Баргузории машғулияти омӯзишӣ бо судяҳои суди шаҳри Душанбе

Имрӯз, 8 июли соли 2021 аз соати 16:00 то 17:00 дақиқа дар асоси нақшаи баргузории машғулиятҳои омӯзишӣ бо судяҳои суди шаҳри Душанбе дар соли 2021 машғулияти омӯзишӣ бо иштироки роҳбарият ва судяҳои суди шаҳри Душанбе баргузор гардид.

Дар оғози баргузории машғулият дар асоси сархати якуми, банди 1 нақшаи мазкур сараввал судяи суди шаҳри Душанбе Сафарзода Қ.Ҳ. дар мавзӯи «Боби 5-и Конститутсияи Ҷумҳурии Тоҷикистон» баромад намуда, оид ба мазмун ва моҳияти меъёрҳои ин Боб ба ҳозирин баён намуд.

Дар идомаи машғулият дар асоси сархати дуюми банди 1-и ин нақша муовини раиси суди шаҳри Душанбе Бобохонзода А. дар мавзӯи «Боби 10 КҶ Ҷумҳурии Тоҷикистон. Қарорҳои Пленуми Суди Олии ҶТ таҳти №11 аз 29 майи соли 2003 ва таҳти №1 аз 24 феврали соли 2005» баромад намуд.

Суди шаҳри Душанбе